Dodoma, Novemba 4, 2022 Hii ni taarifa kwa vyombo vya habari, Chuo kikukuu cha Dodoma na taasisi ya Empower Limited, tunatangaza ushirikiano rasmi unaoenda kuzindua programu inayoitwa Generation Empower kwakifupi (GenEm). Programu hii inaendana na ajenda ya mabadiliko ya uchumi wa Tanzania kwa kufanya uwekezaji katika kuwapatia vijana wa kitanzania ujuzi. Ushirikiano huu utawezesha taasisi za elimu na sekta binafsi kushirikiana kupitia uratibu mzuri na utekelezaji wa mpango wa kutoa ujuzi unaotakiwa kwa vijana katika karne ya Ishirini na moja.

Ushirikiano huu ni muendelezo wa jitihada tulizoanza mnamo mwaka 2020, tulipoingia makubaliano na Chuo Kikuu cha Dar es Salaam na uzinduzi kufanyika na Chansela, Mh. Dkt. Jakaya Mrisho Kikwete, Rais Mstaafu wa Jamhuri ya Muungano wa Tanzania. Na hivi karibuni pia, tumefanya uzinduzi wa programu hii katika Chuo Kikuu Cha Mtakatifu Agustino Tanzania, jijini Mwanza tarehe 31 Oktoba 2022. Ushirikiano huu utawezesha taasisi za elimu na makampuni kushirikiana kupitia uratibu mzuri na utekelezaji wa mpango wa kutoa ujuzi unaotakiwa katika karne ya Ishirini na moja, katika vyuo vyote nchini.

Empower ni moja kati ya makampuni ya kizawa na kizalendo, inayoelewa changamoto zinazowakumba vijana katika soko la ajira nchini. Kampuni yetu inauzoefu wa zaidi ya miaka 13 katika tasnia ya rasilimali watu nje na ndani ya Tanzania, tukiwaunganisha vijana na fursa mbali mbali zilizopo katika soko la ajira na hivyo tunatambua umuhimu wa kuwawezesha vijana ili wawe na fani na ujuzi sahihi unaohitajika. Empower imejitoa kwa asilimia mia moja kutoa huduma hii kwa wanafunzi wote wa UDOM bila gharama yoyote, ikionesha nia yake ya dhati ya kuwekeza katika taifa letu kwa kujenga jamii yenye vijana welevu na weledi watako kuwa na uwezo wa kutambua na kutatua changamoto zinazolikabili taifa letu na kukuza uchumi wa Tanzania.

Mafunzo ya programu ya GenEm yataendeshwa kwa njia shirikishi na kwa vitendo zaidi, wanafunzi watashiriki katika semina za kubadilishana mawazo kutoka kwa wataalamu na kupata mada kutoka kwa viongozi wa sekta mbalimbali. Hivyo basi Empower pamoja na Chuo Kikuu cha Dodoma tunawakaribisha wadau wote kushiriki katika programu ya GenEm ikiwemo sekta binafsi, watunga sera na mashirika wahisani, ili kufanikisha jitihada za kutoa na kuendeleza ujuzi kupitia mpango wa ubia.

The University of Dodoma is located about 8 km east of the city centre, and is accessible by public transport, which is easily available from the city centre. Given the central location of Dodoma, UDOM is strategically positioned to serve applicants around the country and specifically government and private sector employees living in Dodoma, who hitherto could not find training opportunities in the area. Such employees can comfortably utilise UDOM to combine work and study for their career advancement. Additionally, the geographical location and Dodoma weather render UDOM a convenient place for international students.